Friday, June 30, 2017

ஸிஸியின் இன்னொரு சாதனை !
கவாரிஜ் இக்வான்களுக்கு தோழ்வி !
மத்திய கிழக்கில் நடப்பதெல்லாம்  ஸிஸி ராஜ தந்திரமா ?
என்ற தலைப்பில் 12.6.2017 எமது கட்டுரையை நீங்கள் வாசித்தீர்கள் அல்லவா?
அன்றிலிருந்து 17 நாட்களுக்குப் பிறகு இன்று இன்னொரு வெற்றியை ஜனாதிபதி ஸிஸி சாதித்துள்ளார். அல்ஹம்து லில்லாஹ்.
இது காலவரை பலஸ்தீன் போராளிகளான ஹமாஸ் , எகிப்தின் எதிரியாகவும், பயங்கரவாத கவாரிஜ் இக்வான்களின் ராணுவ அமைப்பாகவும், பின்னாலிருந்து ஈரானால் இயக்கப்பட்டதாகவும் கட்டாரின் பயங்கரவாத உதவியில் தங்கியதாகவும் இருந்ததை உலகமே அறியும். (இலங்கையிலும் உலகிலும் உள்ள "வஹாபி பத்திரிகைகளே உலகம்" என்று நம்புபவர்களைத் தவிர).
இப்போது ஸிஸியின் ராஜ தந்திரத்தால், ஹமாஸ் எகிப்தில் பேச்சுவார்த்தை நடாத்தி, பலஸ்தீனிலிருந்து பயங்கரவாதிகள் எகிப்தினுள் நுழைவதைத் தடுக்கும் யுத்த சூனியப் பிரதேசம் ஒன்றை அமைப்பதற்கு ஹமாஸ் உடன்பட்டு உடனடியாக அவ்வேலை ஆரம்பிக்கப்பட்டுள்ளது.
அதற்குப் பகரமாக எகிப்திலிருந்து பலஸ்தீனுக்கு உணவுப்பொருள் உட்பட சுதந்திர போக்குவரத்து வழியொன்றை திறப்பதாக எகிப்து ஏற்றுக் கொண்டுள்ளது.
மத்திய கிழக்கு நிலவரங்களை உள்ளபடி யதார்த்தமாக அறிய எமது ஊடகங்களை நம்பியிருப்பவர்களுக்கு இது மேலும் ஒரு பரிசில் !
வஹாபி ஊடகங்களை நம்பியிருப்பவர்கள் தொடர்ந்தும் ஏமாறிக் கொண்டே யிருக்கட்டும்.
பாலைக் கொடுக்கலாம், அதைக் குடிக்கும் பாக்கியத்தை கொடுக்க முடியாது !

29.6.2017

Saturday, June 17, 2017

இஸ்லாமும் வஹாபியத்தும்

இஸ்லாமும் வஹாபியத்தும்
உண்மையான இஸ்லாம் மத்ஹபு, தரீக்காவை பின்பற்றும் இஸ்லாம்
1400 வருடங்களாக தொடராக வருவது , மத்ஹபு, தரீக்காவை பின்பற்றும் இஸ்லாம்
முஸ்லிம் ஒற்றுமை பேணியது , மத்ஹபு, தரீக்காவை பின்பற்றும் இஸ்லாம்
காபிர்களிடம் கௌரவம் இருந்தது , மத்ஹபு, தரீக்காவை பின்பற்றும் இஸ்லாம்
உலகம் முழுதும் அவ்லியாக்கள் இருப்பது மத்ஹபு, தரீக்காவை பின்பற்றும் இஸ்லாம்
அதிகமாக அல்லாஹ்வை திக்ரு செய்யும் மஜ்லிஸ்கள் இருப்பது மத்ஹபு, தரீக்காவை பின்பற்றும் இஸ்லாம்
பகிரங்க விவாதத்தில் வெற்றி பெறுவது மத்ஹபு, தரீக்காவை பின்பற்றும் இஸ்லாம் (BMICH இல் சதிகாரர் நடாத்திய விவாதம் தவிர)
உலகை கௌரவமாக ஆட்சி செய்தது மத்ஹபு, தரீக்காவை பின்பற்றும் இஸ்லாம்
கடல் மாதிரி மார்க்க ஆதாரம் (கிதாபுகள்) உள்ளது மத்ஹபு, தரீக்காவை பின்பற்றும் இஸ்லாம்
ஒருவரை ஒருவர் சிர்க்கு, பித்அத்து குற்றச்சாட்டு இல்லாதது மத்ஹபு, தரீக்காவை பின்பற்றும் இஸ்லாம்
ரஸூலுல்லாஹ்வின் குடும்பத்தினர் தலைமை தாங்குவது மத்ஹபு, தரீக்காவை பின்பற்றும் இஸ்லாம்
ஆத்ம சக்தி (கஷ்பு, கராமாத்து) இருப்பது மத்ஹபு, தரீக்காவை பின்பற்றும் இஸ்லாம்
ஆயிரக் கணக்கான இமாம்கள் கோடிக் கணக்கான உலமாக்கள் இருப்பது மத்ஹபு, தரீக்காவை பின்பற்றும் இஸ்லாம்
மஹ்தி அலைஹிஸ்ஸலாம் அவர்கள் வரப்போவது மத்ஹபு, தரீக்காவை பின்பற்றும் இஸ்லாம்
அதிக அளவிலான ஹதீஸ்களை நம்புவது மத்ஹபு, தரீக்காவை பின்பற்றும் இஸ்லாம்
எல்லா நாடுகளிலும் இஸ்லாத்தை ஆரம்பத்தில் பரப்பியது மத்ஹபு, தரீக்காவை பின்பற்றும் இஸ்லாம்
இதற்கு நேர்மாறாக :
நஜ்தில் சைத்தானின் கொம்பு முளைக்கும் என்று ரஸூலுல்லாஹ் (ஸல்) அவர்களால் 1400 வருடங்கட்கு முன்னரே எச்சரிக்கை செய்யப்பட்டது வஹாபி இஸ்லாம்.
பிரிட்டிஷ் யஹூதி நஸாராக்களால் பரப்பப்பட்டது வஹாபி இஸ்லாம்.
இன்றும் அமெரிக்காவால் போசிக்கப்பட்டு, ISIS , இக்வான் என்ற பெயரில் ஆயுதபாணிகளாக்கப்பட்டு, இஸ்லாத்தையும், முஸ்லிம்களையும் உலக மனித இனத்தையே அழித்துக் கொண்டிருப்பது வஹாபி இஸ்லாம்.
விரிவாக உறுதியான ஆதாரங்கள் மூலம் அறிய விரும்புபவர்கள் வாருங்கள் :
கஹடோவிட்டா அல் மத்ரஸதுல் முஸ்தபவிய்யா (புதிய கட்டடம்).
17.6.2017

Tuesday, June 13, 2017

மத்திய கிழக்கில் ஸிஸி ராஜதந்திரம் !

மத்திய கிழக்கில் நடப்பதெல்லாம்  ஸிஸி ராஜ தந்திரமா ?
ஏராளமான மத்திய கிழக்கு, ஐரோப்பிய பத்திரிகைகளையும் பேட்டிகளையும் பார்த்து, இன்று நடக்கும் நடப்பையும் ஒப்பிட்டுப் பார்க்கும் போது , இப்படி ஒரு யேசனை தோன்றுகிறது.
1-லிபியா, ஸிரியா, இராக் யெமன் போன்று எகிப்து நாடு அழிவதையும் அல்லாஹ் கிருபையால் ஸிஸி தடுத்தார். ஐரோப்பா, அமெரிக்கா, கட்டார், துருக்கி, ஈரானின் சதிகளை எல்லாம் முறியடித்து,  பித்னாவின் மூலவேரான முர்ஸியை மடக்கிப் பிடித்து அடைத்து விட்டார். எதிரியாக இருந்து ஐரோப்பா, அமெரிக்க அதிபர்களை தன் பக்கம் ஈர்த்தெடுத்தார். அதே நேரம் ரஷ்யா, சீனாவின் நட்பையும் பெற்றார்.
2-இது வரை பயங்கரவாதத்தை வளர்த்த அமெரிக்காவை, பயங்கரவாதத்தை அழிக்க வேண்டும் என்று வரிந்து கட்டிக் கொண்டிருக்கும் நிலைமைக்கு (ட்ரம்பை) மாற்றினார்.
3-வஹாபிய்ததின் தந்தையான ஸவூதியையே வஹாபி திவிரவாத வஹாபியத்தை மடக்க வேண்டும் என்ற நிலைக்கு கொண்டவந்தார்.
4-இரண்டு தீவுகள் பற்றிய சர்ச்சையில் ஆரம்பித்து இரு நாட்டு உறவுகளே முறியக்கூடிய நிலைக்கு ஸவூதியுடன் பகைமை வளர்ந்த பின்னரும்கூட, ஸவூதிக்கு வந்து பேசி, ஸவூதி மன்னரை கைக்குள் போட்டு, வஹாபி பயங்கரவாதத்தை எதிர்ப்பதில் ஸவூதியை சிறந்த நண்பனாக மாற்றினார். இதுவரை கட்டாருடன் இணைந்து வஹாபி பயங்கரவாத்தை வளர்த்த ஸவூதியை கட்டாருக்கு எதிராகவுவும் எகிப்துக்கு ஆதரவாகவும் மாற்றினார்.
5-எகிப்தில் சீஆ கொள்கையை வளர்க்க வேண்டாம் என்று ஸிஸி பதவிக்கு வந்தது முதல் சொல்லிப் பார்த்தும், ஈரான் அதற்கு அடிபணியாமல் முரண்டு பிடித்ததால், அமெரிக்கா, ஸவூதி, எமிரேட் போன்ற நாடுகள் மூலம் புதிய அணியை அமைத்து ஈரானை பயமுறுத்தும் பணி மும்முரமாக நடைபெற்றுக் கொண்டிருக்கிறது. ஈரானில் நடந்த ISIS வஹாபி தக்குதலுக்கு பதிலடி கொடுக்க ஈரான் தயாராக இருக்கின்ற போதும், அத்தாக்குதல், அமெரிக்கா, வளைகுடா கூட்டணியை கோபமூட்டினால், விளைவு பாரதூரமாக அமையுமே என்று ஈரான் சிந்திக்கும் அளவுக்கு, இரானை தர்மசங்கடத்தில் ஆக்கினார்.
தனது நேசநாடான கட்டாருக்கு ஆபத்தில் எத்தனை விமானம் உணவுப் பொருட்களை ஈரான் (மானத்தைக் காப்பாற்றிக்கொள்வதற்கு) அனுப்பினாலும், ஈரானின் சிந்தனை எல்லாம் "அடடா எங்கட பார்ளிமெண்ட், எங்கட தலைவரின் அடக்கஸ்தலத்திலேயே பயங்கரவாதி கைவரைிசையைக் காட்டிவிட்டானே!!!" என்பதிலேயே இருக்கின்றது. இதுவும் தனது நாட்டில் சீயாவைப் பரப்பி, கட்டாருக்கும் உதவும் ஈரானுக்கு எதிராக ஸிஸிக்கு கிடைத்த வெற்றியே.
6-பயங்கரவாதத் தலைவன் கரழாவிக்கு உதவாதே , அரபு நாடுகளின் உள்விவவாரங்களில் தலையிடாதே , எகிப்தின் சினாயில் உள்ள வஹாபி பயங்கரவாதிகளுக்கு உதவுவதன் மூலம் எகிப்தில் உள்நாட்டு சண்டையை மூட்டாதே , அல்ஜஸீரா ஊதுகுழல் மூலம் பயங்கரவாதிகளுக்கு பிரச்சார உதவி செய்யாதே,  என்று கடந்த பல வருடங்களாக கட்டாருக்கு ஸிஸி பல முறை எச்சரித்தும்கூட, அவ்வெச்சரிக்கையை கட்டார் தூசிக்கும் மதிக்கவில்லை. தொடர்ந்தும் எகிப்தை சின்னாபின்னப் படுத்து போராடும் வஹாபி பயங்கரவாதிகளுக்கு உதவிக்கொண்டே இருந்தது. (இது இலங்கையில் உள்ள வஹாபி பத்திரிகைகளில் வருவதில்லை). அப்படிப்பட்ட மூக்கணம் இல்லாமல் செயல்பட்ட கட்டாரை, அமெரிக்கா முதல் பல அரபு நாடுகளின் உதவியுடன் ஓரங்கட்டினார் ஸிஸி. இது ஸிஸிக்கு கிடைத்த பெரிய ராஜதந்திர வெற்றி.
7-ஸிஸியை அழித்து எகிப்தை பிளவுபடுத்துவதில் இவ்வளவு காலமும் முழுக் கவனத்தையும் செலுத்திய கட்டாரை, இப்போது தன்னையே காப்பாற்றிக் கொள்ள போராட வேண்டி நிலைக்கு மாற்றியதும் ஸிஸிக்கு கிடைத்த வெற்றியே.
8-நேட்டோ உறவு என்று அமெரிக்காவின் காதலியாக இருந்து பெருமை பேசிய துருக்கி அர்துகானுக்கு, ஸிரிய – துருக்கி எல்லையில் "குர்திஷ்" நாடு அமைக்கும் அமெரிக்க திட்டம் மூலம் , அமெரிக்காவுவுடனான நல்லுறவும் முறிந்துகொண்டு வருகின்றது. தன்னை எதிர்த் துருக்கிக்கு இப்படியொரு இக்கட்டான நிலை ஏற்பட்டதும், துருக்கிக்கு எதிராக ஸிஸிக்கு கீடைத்த வெற்றியே. அதனால் தான் ஸவூதியில் நடந்த அரபு இஸ்லாமிய அமெரிக்க மாநாட்டுக்கு அர்துகான் வரவில்லை.
9-ஸிரியாவில் ஆட்சியை மாற்றி வஹாபிகளின் ஆட்சியமைக்க ஒபாமா, துருக்கி, கட்டார், ஸவூதி படாதபாடு பட்டார்கள். ஆனால் ஸிரியாவில் ஆட்சிமாற்றத்தை ஸிஸி ஆரம்ப முதலே எதிர்த்து வந்தார். இப்போது "ஸிரிய தலைவர் அஸாதை உடனடியாக மாற்ற வேண்டும்" என்ற நிலைப்பாட்டிலிருந்து, ஸவூதியும் அமெரிக்காவும் "அடக்கி வாசித்துக் கொண்டிருக்கின்றன" இதுவும் ஸிஸிக்கு கிடைத்த வெற்றியே.
                ஆக இப்போது மத்திய கிழக்கு நடப்புகளை பார்க்கும் போது, ஸிஸியின் ராஜதந்திரம் தான் வேலை செய்வது போல் தோன்றுகிறது. ஸிஸி தான் மத்திய கிழக்கு கதாநாயகன் போல் தெரிகிறது.
இது எனது சொந்த ஆய்வு. அல்லாஹ் மிக அறிந்தவன்.
12.6.2017

Friday, June 9, 2017

நாம் நடுநிலை. வஹாபி:இயக்க வெறி

மிக முக்கியம்:
எமக்கும் கவாரிஜ் வஹாபிகளான இக்வானுல் முஸ்லிமீன், தவ்ஹீத் ஜமாஅத் போன்ற இயக்க "ஆய்வாளருக்கும்" (???) இடையில் பல வித்தியாசங்கள் உள்ளன.
அதில் பிரதானமான ஒன்று தான்:-
எந்த நாடு, எந்த தலைவர் என்றாலும் சரி அவர் சரியானதைச் செய்தால் அதை நாம் சரி என்போம். பிழையானதைச் செய்தால் அதை நாம் பிழை என்போம்.
உதாரணமாக : அரபு நாடுகளில் ஈரானின் சீஆ பயங்கரவாதம் பரப்பப்படுவதை எதிர்க்கிறோம்.
பயங்கரவாத கட்டாருக்கு உதவுவதை எதிர்க்கிறோம்.
ISIS ஐ தாக்கப் போவதை ஆதரிக்கிறோம்.
இஸ்ரேலுடன் ஹிஸ்புல்லாஹ் யுத்தம் செய்து வெற்றி பெற ஆயுத உதவி செய்ததை ஆதரிக்கிறோம்.
இக்வானின் வஹாபியத்தை அழித்து, இஸ்லாத்தை பாதுகாத்து, ஒபாமாவை எதிர்த்து , நாட்டைப் பாதுகாத்த ஸிஸியை ஆதரிக்கிறோம். ட்ரம்பின் பயமுறுத்தலுக்குப் பயந்த அவரின் போக்கை எதிர்க்கிறோம். (ஆனால் الحرب خدعة "யுத்தம் என்பது ஏமாற்றுதல்" என்ற ஹதீஸின்படி , அவர் ட்ரம்பை ஏமாற்றப் போகிறாரா என்பதை பொறுத்திருந்து தான் பார்க்க வேண்டும்.)
ஆனால் ,
இக்வான் வஹாபி "ஆய்வாளர்கள்" (???) அப்படியல்ல . கட்டார் எது செய்தாலும் அது இஸ்லாமாம் . லிபியாவை, ஸிரியாவை அழித்த கரழாவி உலகப் பேரறிஞராம். ஸிரியாவை அழித்துக் கொண்டிருக் கொண்டிருக்கும் துருக்கி அர்துகான் நுணுக்கமான தலைவராம்.
இப்போது புரிகிறதா , இஸ்லாத்துக்கும் இயக்க வெறிக்கும் உள்ள வித்தியாசம் !